კომპანია Caterpillar Inc. დივიდენდების მოკლე ანალიზი

საფონდო ბირჟა: NYSE ( ნიუ-იორკის საფონდო ბირჟა)
სავაჭრო აბრევიატურა: CAT
სექტორი: ინდუსტრიული

Caterpillar Inc. არის სამშენებლო და სამთო აღჭურვილობის, დიზელის და ბუნებრივი აირის ძრავების, სამრეწველო გაზის ტურბინების და დიზელ-ელექტრო ლოკომოტივების მწარმოებელი. მისი სამშენებლო ინდუსტრია ეწევა მომხმარებლების მხარდაჭერას ინფრასტრუქტურის, სატყეო მეურნეობის და შენობების მშენებლობაში მანქანების გამოყენებით. მისი საბაზრო კაპიტალიზაცია 116 მილიარდ დოლარად არის შეფასებული.

კომპანია ოპერირებს სამი ძირითადი სეგმენტით: სამშენებლო მრეწველობა, რესურსების მრეწველობა და ენერგეტიკა და ტრანსპორტი.

წინა გამოცხადებული დივიდენდი ერთ აქციაზე შეადგინა $1.20 , ხოლო დივიდენდის სარგებელი (Dividend Yield) 1.97%, რომელიც 19 იანვარს გამოცხადდა ბაზრის გახსნისთანავე, რის შედეგადაც აქცის ფასი შემცირდა $252.79-დან $245.80-მდე.

ამჟამად Caterpillar Inc.-ის ერთი აქციის ფასი $224.62-ია.

მიმდინარე გამოცხადება იქნება 21 აპრილს, ბაზრის გახსნისას და მისი ამჟამინდელი დივიდენდი ერთ აქციაზე კვლავ $1.20 იქნება, ასევე დივიდენდის სარგებელი 2.14%-ით განისაზღვრება.

დივიდენდი ცხადდება კვარტალში ერთხელ.

აღნიშნული ინფორმაცია არ არის საინვესტიციო რჩევა და მხოლოდ ინფორმაციული ხასიათის მატარებელია.